رواية ما هو ذنبي ؟ بقلم زهراء
انت في الصفحة 5 من 5 صفحات
عـ-ذاب: دخلت عليه امي وكالت هاا بشر ذليـ-تها يو لا علمتها الطيحه ويه الشيوخ ما تنراد
عـ-ذاب: اي يمه ذليتها مذلة الولد ولدها تنذكر وبعد لا تصعديها يمي هي تظل مثل الخدامة هنا ولا تخلين شهد ونور يحتكن بيها
الحجيه: ع امرك شيخنا التريده يجرالك اني رايحه انطيها ملابس غير هذن تارسه جنطتها تراكات مصدكه نفسها عروس
الحجية: الله وياك لا تتأخر
دلال: دخلت للغرفه بس ابجي واناشغ ولا واحد اجه وسكتني شوي ودخلت عليه الحجيه وبيدها دشداشه سوده وشيله مال نسوان كبار
الحجية: انتي هيي هذن ملابسج منا وجاي تارسه جنطتج تراكات شني عروس بعد امج واني مدري خلي ادور جنطتج خاف حاطه سيت نوم بعد
دلال: شمرت الملابس وطلعت ملحكت ابررلها انو التراكات هي لبسي منو كال اني اريد اصير عروس شفت الدشداشه والشيله لبس قديم ومو حلو بيبيتي تستحي تلبسه بس كلت ميخالف هو اني فصلية منو يباوعلي
نور: شوفي هيي اني اسمي نور وهاي اختي شهد احنه تاج راسج وتلبين طلباتنه فهمتي لو نكلج مoتي ترحين
دلال: اي صار مث ما تردون وبكلبي اذكر ابوي وهو يكلي اذا اني موجود محد يهينج انتي بت ابوج رفعي راسج
اي يا بويه غمضت عينك واجه الي يذلني واخوك السلمني بيده عسى حوبتي ما تتعدى
دلال: حاضر.. دخلت للمطبخ جبير وكلشي بي بس ما مرتب وبالزوايه كومه تراب وبقاي دهون دخلت شمرت عن اديه لان بعد عندي وكت للعشه غسلت كلشي بالكاونتر ومسحت الارضية والطباخ المطبخ صار يلمع فتحت الفريز حتى ابدي بالاكل اكيد شيوخ ما يعجبهم المقليات يردون اكل ثكيل طلعت من الفريز لكيت دجاج طلعت 3 دجاجات وفخذ مال خروف وبديت اشتغل بيهن شويت الدجاج
وسلكت الفخذ وحمرته شوي بالفرن وبالسوب طبخت التمن المهم كملت الاكل ما ظل بي نقص اني اعرف اطبخ لان من م١تو اهلي سعاد بطلتني وظليت اطبخ واشتغل فا صرت كلشي اعرف دخلت الحجيه وكالبه وجها
الحجية: كملت الاكل يو لا تره الحجي اجه ويا ويلج اذا تكعدين تاكلين يمنه نخلص اكل ومن فضلتنه تاكلين
دلال: هزيت راسي ب اي.. حجيه اني كملت الاكل اصب كالت يلا
دلال تقدمت كلتله هلا شيخ وبست راسه هو هم رد السلام وكال هلا بيج
يتبع....
