رواية ما هو ذنبي ؟ بقلم زهراء

لا واللة ما اتزوجه اني لان يتيمة هيج تسوون بيه ما اتزوجه اذبـ*ح نفسي اني اصير فصلية ليش وبدون ذنب
سعاد: شني اعوف ابني يذبحـ*ونه وما انطيج فصلية شنو فرقج عن البنات انتي مو اول وحده
دلال: ليش ما تنطين بنتج ليش اني حرام عليج والله اني عدكم امانه هيج تسوون بية
سعاد: بنتي يريدها ابن خالتها انتي تزوجين حتى ميصير شي لمحمد ما عندي غيره

دلال: فتت للغرفة وضليت ابجي حسيت النقاش ويه سعاد عقيم مابي اي نتيجة.. اعرفكم ع نفسي اني اسمي دلال عمري 18 اهلي صار اربع سنوات متوفين راحو للزيارة بابا وماما واخوي غيث وصار حادث وماتـ*و كلهم طبعا عمي ما قبل اروح الخوالي كال شنو ما عندج عم وترحين للغرب طبعا بابا عنده بس اخو واحد بس علاقتنه ابد مو زينه وياهم مرته كلش مو زينه راوتني الويل هي عندها محمد ومريم هم ابد ما يحبوني ان انفرضت فرض بحياتهم عمي ساعه وساعه بس حتى لو يصير زين ويايه مرته ما تعوفه ما ترتاح الا لمن يصيح عليه

اليوم كعدت الصبح وجاي اتريك جان يفوت عمي وعيونه حمر وبس يصيح وما اسمع بس سعاد تصيح راح ابني راح محمد اجيت ردت افهم ما فهمت شي جان كال عمي محمد داعم واحد وهسه اتصل علية يكلي الولد ماأأت ابو والشرطه اجت اخذتني وهسه اتصلت ع جبير عشيرتنه وع عمامي ونروح الاهل الولد بلكي يفضونها بفلوس

اني ظليت صافنه اشوف عمي يحجي وعيونه دــ-م ويرجف ومختنك كوه تطلع الحجاية وسعاد ظلت ادك ع راسها
ومريم ظلت بس تبجي اجيت احضنها حتى اسكتها ودفعتني
مريم: روحي مني من اجيتي ما شفنه خير جيتج شكد فكر
دلال: ضجت حيل من كالت هيج بس كلت حقهم هذا ابنهم وما عدهم غيره اني حيل انقهرت عليه ما يستاهل
صار الليل وسعاد بس تبجي ومريم تسكت بيها جان يفوت عمي وجها ما يتفسر وما بي حيل يوكف كبل كعد ع الكرسي ودنك وخلة ايديه ع راسه ودموعه تنزل
سعاد: احجي ابو محمد شبيك ما قبلو ياخذون فلوس راح يكتلون محمد ولك احجي راح اموت يا ناس هذا ابني
عمي: صار الفصل طلبو 100 مليون ومرة يردون نفصلهم مرة اني شلون انطيهم مريم هي روحي من الدنيا
سعاد: اندارت عليه وكالت ليش ننطيهم مريم ما انطي بنتي ابن خالتها يريدها يعني بحكم المخطوبة انطيهم دلال
اي انطيهم دلال لا اهل ولا احد يسأل عليها وهي محد يريدها انطيها وجيب ابني
يتبع