رواية تمارا كاملة جميع الفصول بقلم منال عباس
قاسم: صباح الخير يا جدووو...
شاكر: صباح الخير يا حبيب جدووو..انت رايح الشركه
قاسم: ايوا يا جدو وهاخد تمارا تغير جو
شاكر: خير ما عملت...يلا روحوا علشان ماتتأخروش..بقلم منال عباس
تمارا: طب اتفضل يا جدو العلاج اهو اوعى تنسي تاخده..شكرها شاكر
قبلته تمارا من جبينه وودعته هى وقاسم وغادرا
شمس: غورى فى داهيه لا ترجعك...
وعادت إلى الداخل لتجد حسين
حسين: حبيبتى كنتى فين..صحيت مالقيتكيش
شمس: كنت بطمن على باباك واشوفه فطر واخد العلاج ولا لأ
حسين: ربنا ما يحرمني منك...واخده بالك منى ومن بابا...انا دخلت لقيته بيفطر وبياخد العلاج
قولت اكيد انتى اللى عملتى كدا..
ممكن بعد اذنك اخرج النهارده ازور واحدة صاحبتى
اصلها مريضه..
حسين: طبعا يا حبيبتي..ابقي خدى السواق يوصلك..
شمس: لا مفيش داعى...انا هقابل واحدة صاحبتى تانيه ونروح سوا
حسين: اللى يريحك...انا نازل الشركه مش عايزة حاجه...
شمس: لا يا حبيبي..خلى بالك من نفسك
عند قاسم
اتصل قاسم على صقر
صقر: ايوا يا سي قاسم ماجيتش الشركه ليه
قاسم: فى طريقى...المهم عايز البنت اللى كانت بتذاكر لأختك وبتقول أنها شاطرة..
صقر: ليه..دى مدرسه تأسيس للاطفال
قاسم: ايوا هو دا المطلوب...كلمها ولا اقولك روح هاتها وتعالى على العنوان دا...
صقر: طب والشغل !!
صقر: طيب أهدى...أصلها مش هنا هى من الاسكندريه...وبتشتغل هنا..وزى ما انت عارف
احنا فى إجازة...وممكن تكون سافرت...
قاسم: طيب هنتظرك ترد عليا..أن كانت موجودة ولا لأ
صقر: طيب يلا سلام واغلق الهاتف معه
وبحث فى جهات الاتصال الخاصه بها عن رقمها حتى وجده وابتسم وسرح فى خياله...
