رواية عشقتها منذ نعومة أظافرها كاملة (جميع فصول الرواية) بقلم مريم نصار
مصطفى: لا انت فاهم كويس وبتكدب نفسك لكن هفهمك اكتر اقصد انك لازم تبعد عن نور علشان تقيم العلاقه بينكم ايه
.. يابني ساعات الحاجه الحلوه بتبقي قدامنا وعلشان على طول قدامنا عمرنا ما بنشوفها سيبك من الحنيه دايما على نور
سيبك من انها من غير متطلبك تلاقيك في ضهرها
خليها تشتاق ل محمد خليها تعرف انها من غيرك مش مكتمله خليها تحتاجك ولما تطلب بنفسها وانت تساعدها ساعتها بس نور هتعرف مدى اهتمامها واهميتك بالنسبه ليها احيانا بنفارق الناس اللي بنحبهم علشان نقيم العلاقه فهمني يابني
محمد: اتنهد طبعا فهمتك يا بابا وهاحاول
مريم قاعده في اوضتها وسمعت صوت حد داخل جرى وقامت وكانت نور داخله متنرفزه وراحت على اوضتها على طول وقفلت باب اوضتها جامد
مريم ايه ده ايه اللي جاب نور بدري كده المفروض لسه بدري لما اروح اشوفها خبطت ودخلت وكانت نور عيونها فيها دموع مكبوته
مريم: نور حبيبتي ايه اللي رجعك بدري وايه الدخله دي يا بنتي نور ما فيش حاجه يا ماما انا مصدعه شويه وعايزه انام ونور اتحركت على طرف السرير وهي بتمثل انها عايزه تنام
مريم: راحت قعدت جمبها واخدت راس نور على صدرها تعالى يا حبيبتي نوم ايه بس دلوقت انتي شكلك ما بيبشرش بالخير ممكن اعرف نور حبيبه ابوها وامها مالها ويا ريت تحكيلي ما لك علشان نوصل لحل انا وانتي واقولك يا ستي اعتبري نفسك بتفكرى بصوت عالي
ونور كانت خايفه تحكي لكن هي عمرها ما خبت حاجه على مامتها لان مريم اخداهم اخواتها واصحابها وبناتها عمرها ما حاسستهم انهم غير كده أبدا
نور: مامي انا هاقولك على كل حاجه لكن ارجوكي ما تفهمنيش غلط
مريم: مسحت دموع بنتها حبيبتي انا عمري ما فهمتك غلط ابدا تعالى حطي راسك على حجر ماما حبيبتك واحكيلي زي ما عودتك وبعد محاولات من مريم واخيرا نور اطمنت وسردت كل القصه على مريم
ومريم اول مره مش عارفه تتصرف ولا تتكلم لكن استريحت لما نور حكتلها على محمد
مريم عارفه ان محمد بيحب نور قوي ولكن عمرها ما تكلمت لانها مش عايزه تجبر بنتها على حب بالاكراه ولكن هي فكرت وقالت احاول اني المحلها وهي ليها القرار
مريم: حبيبتي بطلي عياط انا مش عارفه اقولك ايه ابوكي لو عرف ممكن يأذي الولد ده وهيضيع مستقبله وخصوصا لو المشكله تخص بناته وكمان لو قولنا ل مراد مش بعيد يقتله وكمان زين عصبي لكن بيكابر
نور: طيب يا ماما قوليلي اعمل ايه انا مش قادره اصدق ان في حد بالقذاره دي وكمان بحمد ربنا اني حكيت لمحمد وقولتله ولولاه كان زماني مغيبه
نور: بعصبيه ايه يا ماما انا باحكيلك علشان تشوفيلي حل معايا ولا علشان تتمنى لمحمد واحده يابختها وماعرفش ايه
مريم:؛حبيبتي مش قصدي وبعدين انتى اتحمقتي ليه انا بتمنى لابن اختي واحده بنت حلال وبعدين احنا نحمد ربنا انه بعتلك ملاك زي محمد وعايزاكي من هنا ورايح اللي اسمه هشام ده ما تعرفهوش في طريق وعايزاكي زي ما انتي في كليتك وواثقه من نفسك ورافعه راسك انتي بنت آدم العدوي متربيه احسن تربيه واحنا بنثق في بنتنا حبيبتنا وربك يا بنتي هو الحافظ
مالك سايق العربيه ونزل عند عماره وطلع عند الدور التاني ورن الجرس والباب اتفتح
مالك: اهلا يا طنط
سوزان: اهلا اهلا مالك حبيبى اتفضل
مالك: دخل وكان جايب معاه فواكه ل ساره اتفضلي شويه حاجات كده ل ساره علشان تخف بسرعه
سوزان: وايه لزوم التعب ده حبيبي ادخل انا بجد مش عارفه اشكرك ازاي من يوم ما حصل اللي حصل مع ساره وانت مش سايبها وكل يوم والتاني تيجي تطمن عليها حتى بعد ماخفت مالك: لا ابدا ما تقوليش حاجه وبعدين ده واجبي وانا السبب في اللي حصل لي ساره وان شاء الله مش هاسيبها غير لما تكون كويسه جدا
ما لك: شكرا يا طنط هي ساره نايمه
سوزان: لا يا حبيبي اتفضل هي في اوضتها ادخلها
———–
رينو حكت كل حاجه ل فهد وان رودي صاحبتها وقعت من طولها وبتصرخ من بطنها وكمان هيطلبوا لها الاسعاف
وفهد قالها ما تتحركيش من مكانك وانا جاي اخدك وهنروح لها المستشفى وفعلا نص ساعه وكان عندها واخدها في العربيه وفهد اتصل على آدم وما ردش كان عايز يعرفه ان رينو معاه وراحوا على المستشفى وطلعوا عند رودي
الدكتور قال انها حاله تسمم نتيجه اكل فاسد
ورينو دخلت تشوفها وفهد استناها بره الاوضه
رينو: رودي حبيبتي عامله ايه دلوقتي
رودي: ااااه الحمد لله يا رينو
رينو: الحمد لله انها جات على قد كده سلامتك يا رودي ويا رب بقى تتعلمي انك متاكليش من بره البيت تاني
رودي: اااااه خلاص توبه هو كرشي ده اللي موديني في داهيه وجه دكتور تحت التدريب لسه اول يوم ودخل على رودي
ورينو استاذنت ووقفت بره وفهد قالها هيروح يجيبلها ازازه ميا
فهد راح يجيب الميه والدكتور عند رودي
فهد جاب الميا وراجع وطالع على السلم
والدكتور خارج وكانت رينو لوحدها في الطرقه الدكتور شاف ملاك على هيئه بشر بنوته جميله قوي بعيون خضر وفي منتهى الجمال وراح عند رينو
