رواية خذلان الحب الفصل التاسع عشر 19 بقلم ميرفت سعيد

سليم:اسمها ليلي اي
صقر برفع حاجب وغيره:ليه؟
سليم:عادي
صقر:ليلي الغرباوي 
سليم بصدم#مه:الغرباوي!؟..اخوها مالك الغرباوي ؟؟!
صقر:ايوه اخوات 
سليم بخبث:تماااام 
صقر بغيرة بعد ماشاف نظرة الخبث في عيون سليم  قال بحده:سليم..ليلي خط احمر انت فاهم 
سليم:ليه هي تخصك ولا اي قال كلامه بغمزه 

صقر:ايوه خطيبتي وكلها شويه وهنتجوز 
سليم:امممممم ربنا يهني سعيد بسعيده هات الملف 
سليم وصقر قعدوا يتكلموا عن الشغل لسه سليم بيفكر ازاي يستغل ليلي علشان مالك يسيب  حور بس ليلي طلعت خطيبة صقر وده صعب علشان صقر بنفوذه ممكن يأذيه 
*****************
عند مالك وحور 
مالك:استني
حور بخوف:نعم 
نظرلها مالك شويه مكنش عارف يقول لها اي وافتكر كلامها لما قال له(حور بصدق: مالك انا عمري ما حبيت ولا هحب غير انت اول حب حبيته اول ما دق قلبي بالحب دق ليك انت انا مفتحش عيني غير عليك ورغم البعد عمري ما شوفت راجل في حياتي غيرك ولا حبيت حد زي ما حبيتك كنت كل يوم بحلم باليوم اللي ارجع فيه ونتجوز كان خوفي الوحيد اني ارجع الاقي انك اتجوزت او حبيت غيري او نسيني ويكون كل اللي بينا حب طفوله وحب مراهقه وراح لحاله كانت الفكره دي بترعبني ييجي اول ما ارجع واشوفك وحبنا يرجع تقولي مغصوبه او مش عايزه اتجوزك ازاي؟)
مالك كلام حور طمنه وقال بحب:وحشتيني
حور بصدم#مه:اي 
مالك قرب منها وقال بحب:كنتي خايفه ليه وكنتي عايزه تمشي
حور:كنت خايفه تزعق ليا 
مالك:وازعق ليكي ليه 

حور:فاكر لما سليم كان بيجي هنا كنت علطول بتتعصب عليا وبنتخانق فاقولت امشي احسن
مالك:لا مش هنتخانق علشان عارفه ان كلامه كله هب*ل ومش حقيقي علشان انتي بتحبيني انا مش كده 

حور:طبعا 
مالك:هي مامتك هتنزل امته
حور باستغراب:ليه 
مالك:انتي نسيتي علشان اجي اتقدم لها 
حور:اااه قالت انها هتيجي الاسبوع ده 
مالك بغمز:خلاص هانت وهتبقي ليا ياقمر 
حور بخجل:فرحان؟
مالك بصدق وحب:فرحان!! ده انا مش مصدق   
حور ابتسمت بخجل وحب:طب انا هروح علشان اشوف شغلي 
مالك:ماشي اشوفك اخر اليوم 
حور:ماشي ومشت 
*************
عند علي وعليا بعد ما خلصوا الشغل فعلا علي رح علشان يتقدم لعليا 
علي لأم عليا:انا شرفني ياطنط اني اطلب ايد بنت حضرتك عليا 
ام عليا بصحك:مش لايق عليك الجو ده يا واد ياعلي 
عليا ضحكت 
علي:بقا كده ياطنط ماشي من الاخر انا عايز اتجوز عليا 
ام عليا:انا بصراحه مش هلاقي راجل  لبنتي يحبها ويخاف عليها زيك ياعلي احنا عرفينك من زمان بس الرأي رأأي العروسه
عليا بخجل وفرحه:اللي تشوفي ياماما 
علي:الله اكبر نقرأ الفاتحه  وننزل دلوقتي ننقي الشبكه واخر الاسبوع ده  نكتب الكتاب
عليا وامها بصوا لبعض بصدم#مه
عليا:ايه ده ليه السرعه دي اخر الاسبوع اي النهارده الثلاثاء 
علي:سرعة اي احنا نعرف بعض من سنين اكيد مش هنعمل خطوبة
ام عليا:ايوه يابني بس خطوبه وكتب كتاب في نفس الاسبوع