رواية جنون الحب الفصل السادس عشر 16 بقلم يارا عبد العزيز
انت في الصفحة 2 من صفحتين
لا حول ولا قوة الا بالله العلي العظيم ♥️
: بنتى لسه صغيرة ومش حمل اللى انتوا بتعملوه فيها
سمية كانت لسه هتتكلم بس قاطعهم خروج فارس من العمليات وهم حاطينه على الترولى
جريوا عليه بخوف وبكاء
سمية: ابنى كويس صح
ادم: اهدى يا طنط هو كويس وعدى مرحلة الخـ'طر هيفضل بس انهاردة وبكرة تحت المراقبة وبعد كدا يقدر يخرج
حور ببكاء وهى بتبص عليه وهو مغمض عينيه
: طب هيفوق امتى
ادم: اهدى هو كدا من تأثير البنج مش اكتر اول اما مفعوله يروح هيفوق انا هقولهم ينقلوه لغرفة عادية عن اذنكوا
بص لندى بأستغراب هو اول مرة يشوفها حس بشعور غريب من ناحيتها
حور مسكت فى مامتها اكتر: مش قادرة اشوفه كدا عايزة يفوق دلوقتي يا ماما
عزة: هيفوق يحبيبتى وهيبقى كويسة باذن الله
ندى: دكتور لو سمحت
ادم بأعجاب وتوهان فى جمالها: هاا
ندى باستغراب من بصته: هو فارس كويس صح لو فيه حاجه ممكن تبلغنى انا دكتورة وهفهم
ادم بتوهان: هو انتى مين
ندى: بنت خاله هو كويس صح
ادم: هو كويس جدا متخافيش فارس صاحب عمرى ولو فيه حاجه مكنتيش هتلاقينى بالهدوء دا
ندى وهى بتتنهد براحة وبتحط ايدها على قلبها: الحمد لله طمنتنى شكرًا ليك
ندى وهى بترفع حاجبها: نعم
ادم بتوتر: قصدى يعنى عشان انتى دكتوره ممكن نحتاجك فى المستشفى مثلا
ندى: اه انا اصلا لسه بدرس برا وحاليا فى اجازة كنت بفكر الفترة دى انزل تدريب
ادم: المستشفى هتنور بيكى بصى دا الكارت بتاعى لو احتاجتى اى حاجه كلمينى تمام
ندى وهى بتاخد الكارت: ماشى شكرًا
ادم بتوهان: الشكر لله
ندى: طب عن اذنك
ادم: اتفضلى
ندى وهى ماشية: ماله دا
كان واقف ادم جنب فارس فى غرفة عادية
فارس وهو تحت تأثير البنج: حور
ادم بأببتسامة: حتى وانت تحت تأثير البنج مش شايف غيرها مش عارف بتعاند ليه وانت بتعشقها كدا
خرج من الاوضة واتكلم بخبث
: مدام حور
حور: نعم
استغفر الله العظيم الذي لا اله الا هو الحي القيوم واتوب اليه ♥️
ادم: ممكن تدخلى لفارس هو محتاجك انتى بالذات
حور ببكاء: هو كويس
ادم: والله كويس بس ممكن تعقدى جانبه لحد اما يفوق
حور: ماشى
دخلت حور تحت نظرات الغيظ الشديد من ندى
نزلت النقاب بصتله بحب كبير وفضلت تعيط وخصوصًا اول اما شافت جـر'حه مسكت ايده بحب كبير وهى بتعيط
حور بشهقات: هتفوق امتى بقى انا اول مرة اشوفك كدا طلعت صعبة اوى يا فارس
حطيت ايديها على جر'حه برفق وحنية مفرطة وخجل
بصتله وابتسمت: كنت عايزاك تقولها وانت فايق بس المهم انى سمعتها وحور كمان بتحبك اوى يعمرى
بدأ يفوق حط ايديه على ايديها ومسكها بحب كبير وبا'س ايديها واتكلم بحنية مفرطة
: اهدى انا كويس
اتكلمت بحب ولهفة: بجد انت كويس
فارس وهو بيحط ايده على خدها وبيمسح دموعها
: والله كويس بطلى عياط بقى كمل وهو بيبتسم
: انا مش عايز ابنى يطلع نكدى شبه امه
حور بزعل: والله اومال مين بقى اللى فرفوش ومش نكدى الست ندى صح
فارس بألم: ااه
حور بخوف شديد: مالك بتوجعك اوى هروح انده الدكتور بسرعة
فارس مسك ايديها ووقعها عليه: خليكى جانبى انا كويس محتاج وجودك بس
عيونهم اتقبلت فضلوا باصين لبعض لمدة دقايق سايبين عيونهم تتكلم وتشرح مدى وجع بعدهم عن بعض كان عايزين يفضلوا كدا وميبعدوش عن بعض ابدا
حور بحب وهمس وهو باصة لعينيه: بحبك
كان بيقرب منها ولسه هيتكلم بس قاطعه دخول ليلى وسمية وعزة وندى بعدت حور عنه بخجل شديد
سمية وهى بتبعد حور وبتعقد مكانها: انت كويس يحبيبى
فارس: اه يا ماما انا تمام الحمد لله
فجأة الباب خبط فارس بص لحور
فارس بغيرة وجدية: ارفعى النقاب
حور: اه تمام
رفعت النقاب على وشها
فارس: ادخل
ادهم ( الظابط ): حمد لله على سلامتك يا دكتور فارس
فارس: الله يسلمك يا حضرة الظابط
ادهم: كانا حابين نسأل حضرتك كام سؤال لو قادر تتكلم
فارس: اه طبعا اتفضل
ادهم: حضرتك شوفت الشخص اللى ضـر'بك
فارس: للاسف لا لانه كان مخبى وشه
ادهم: بتتهم مين بمحاولة قـ'تلك
يتبع........
