رواية عشقته رغم البعد كاملة جميع الفصول بقلم اسراء ابراهيم

البات الثاني 2 والاخيرة

 صعقة ملكت محمد اول ما شاف ياسمين بالمنظر ده،، افتكر علطول امه ومعاملتها لياسمين اما كانت صغيرة واما هو كان بيدافع عنها وافتكر انهارده اما رفضت تخليها تاكل معاهم،، بس مجاش في باله انها ممكن توصل بيها القسو*ة انها تعمل كدة طول السنين دي وانها تكون بتنيمها عالارض وبتعاملها كأنها شغالة   
محمد بو*جع وهو بيقعد عالارض /  ياسمين قومي لو سمحتي 
ياسمين وهي بتقوم  بلهفة / احم،،انا اسفة بس راحت عليا نومة هنا بعد ما شطبت المطبخ و
محمد بتنهيدة / ليه بتكدبي عليا يا ياسمين،، لسة فيكي العادة دي 

ياسمين بتوتر وهي بتقوم / اانا هكدب ليه،، وبعدين انا اللي قولت لمرات عمي اني هنام هنا عشان الضيفة اللي معاك 
محمد بضيق / انتي ليه بتكدبي،،ليه قابلة علي نفسك وضع زي ده ؟
ياسمين بحزن / عشان ده نصيبي وانا راضية بيه 
محمد بجدية/ تمام بس انا بقي مش راضي وانا اللي هتصرف 
قال محمد كلامه وكان هيخرج من المطبخ ويروح لامه بس مسكت ياسمين ايديه بلهفة 
ياسمين بسرعة/ محمد ارجوك متعملش حاجة لو سمحت 
محمد بص لايد ياسمين اللي ماسكة ايديه ورجع بصلها فاتوترت ياسمين وسابت ايديه وهي بتزوغ بعنيها بعيد 
محمد بتنهيدة /ليه يا ياسمين،، ليه قبلتي بالوضع ده،، ليه سكتي وسايبة امي تعاملك كدة،، انا متخيلتش انك تكوني ضعيفة اوي كدة زي ما كنتي وانتي صغيرة  
كانت ياسمين بتسمع كلام محمد وهي مش متخيلة انه بيتكلم بالبساطة دي وكأنه مش هو السبب في كل ده فضلت تسمع كلامه لحد ما حست انها مخنوقة ومش قادرة 
تكتم في قلبها اكتر من كدة
ياسمين باندفاع /  انت بتتكلم ازاي ببساطة كدة وانت السبب في كل ده ؟
محمد بصد@مة / اانا،، انا السبب يا ياسمين ؟
ياسمين بدموع /ايوة انت السبب،، كنت عارف انها بتكر*هني وانك انت الوحيد اللي بتقف ليها وبتحميني منها ومع ذلك مشيت وسبتني،، سبتني ليها ومبصتش وراك،،مفكرتش فيا ولا حياتي هتبقي عاملة ازاي،، فبأي حق دلوقتي جاي تتهمني وتقولي اني بسكت وليه مش بتكلم،، انت ملكش انك تتكلم او تقولي اعمل ايه،وانا مش محتجالك ومش عايزاك تدخل في حياتي انت فاهم ؟
قالت ياسمين اللي قالته وسابته وخرجت ودخلت عند ياسمين اوضتها وهو كان واقف مكانه مصدوم،،مش مستوعب انها شايلة كل ده في قلبها من ناحيته،، وانها بتحمله ذنب كل اللي حصلها بسبب سفره وبعده عنها،، غمض عنيه بندم وتأنيب ضمير وكان بيسأل نفسه ازاي مفكرش فعلا فيها حتي لو كان سفره عشانها،،ازاي معملش حساب ان امه معاملتها ليها هتبقي اسوأ بعد ما هو يمشي 
..............................
تاني يوم كانت واقفة بتحضر ياسمين الفطار وكل اللي حصل الليلة اللي فاتت في عقلها،، غمضت عنيها بندم بسبب الكلام اللي قالته لمحمد وق*طع سرحانها منال اللي دخلت عليها بحد*ة 
منال بغضب / حضرتي الفطار ولا لسة بتتلكعي 
ياسمين بهدوء / خلاص حضرته يا مرات عمي 
منال بامر /تحطي الفطار وتغوري علطول ولو حد مسك فيكي تقعدي اوعي توافقي والا هطين عيشتك انتي فاهمة ؟
ياسمين بطاعة / حاضر يا مرات عمي،،انا كدة كدة مكنتش هفطر 
منال بسخرية / جدعة ياختي بدأتي تفهمي اخيرا 
اتنهدت ياسمين بحيرة وخرجت بالاكل وبدأت ترصه عالسفرة تحت نظرات محمد اللي كان قاعد مع ابوه وهو متوتر ومستني يشوفها وجمبه دينا بس هو كان مسلط نظره علي ياسمين وبعد ما خلصت كلهم قعدو عالسفرة وجت ياسمين تمشي وقف محمد وقالها بحسم:
يلا يا ياسمين اقعدي 
ياسمين من غير ما تبصله / لا مش جعانة بعد اذنكم 
قالت كلامها وجت تدخل اتفاجأو كلهم بمحمد وهو بيروح لياسمين وبيمسكها من ايديها وبيقعدها جمبه عالسفرة غصب عنها ووقتها ياسمين بصت لمنال بخوف لاحظه محمد واتعصب اكتر 
محمد بجدية / اتفضلي يلا افطري والا هأكلك بايدي وانتي عارفة اني عِندي واعملها 
ياسمين بسرعة/ لالا هاكل اهو 
ابتسمت لارين بفرحة وهي بتبص لمحمد واتنهدت براحة لان اخيرا محمد رجع وبنفس شخصيته زمان وهو اللي هيدافع عن ياسمين 
منال بحد*ة / جرا ايه يا محمد،، انت سايب خطيبتك وعمال تتحايل عليها ما عنها ما كلت سيبك منها وكل انت 
محمد وهو بياخد نفس طويل / ياسمين هي اللي عاملة الاكل يا امي ومن حقها زيها زينا تقعد معانا وتاكل ولا ايه 
بصتله منال بغيظ ودينا حست انها مالهاش دخل في خصوصيتهم  فقامت بهدوء وسابتهم ودخلت اوضتها 
منال بسخرية/ اتفضل اديك زعلت خطيبتك وليها حق تزعل،، اتفضل بقي قوم صالحها 
محمد بلا مبالاه / بعدين يا ماما،، بعدين 
كان محمد طول الوقت مهتم بياسمين وبيحطلها الاكل قدامها وده كان مخلي منال علي اخرها وكانت باصة لياسمين بحد*ة ومن جواها بتقول لنفسها انها مكنتش فاكرة انه حتي بعد ما سافر وبعد وخطب هيرجع ويفضل برضه مهتم بيها كدة وكانت بتفكر في حل يخلصها منها باقرب وقت 
.............................
بعد يومين كانت واقفة ياسمين في المطبخ ولسة هتبدأ فيه بس اتفاجأت بمحمد داخل وراها 
محمد بجدية /انتي هتعملي ايه ؟،، لا مش هتعملي حاجة انهاردة ده يوم لارين هي اللي هتعمل كل حاجة انا اتفقت معاها 
ياسمين بصد@مة / ايه انت بتقول ايه،، لالا انا اللي هعمل كل حاجة،، لو سمحت بلاش كدة انا مش عاوزة مشاكل 
محمد بحسم /انا مش باخد رأيك علي فكرة،، اتفضلي معايا بقي عشان لارين جاية دلوقتي وهي هتعمل 
ياسمين خافت من رد فعل منال  لو عرفت فصممت علي رأيها 
ياسمين بحد*ة / قولتلك بلاش تدخل في حياتي بقي،،انا مطلبتش منك مساعدة اصلا 
محمد قرب من ياسمين وشالها فجأة فشهقت هي بصد@مة وكانت قريبة منه وعيونهم في عيون بعض وهي من خوفها لتقع حاوطت رقبته بايديها وهو بيبعدها عن المطبخ 
ياسمين بخجل / ننزلني يا محمد لو سمحت عيب كدة 
محمد بخبث / والله انا حذرتك وعرفتك اني مجنون وتوقعي مني اي حاجة وانتي بقي اللي عايزة كدة   
نزلها محمد بين ايديه وهو بيبصلها بتوهان وياسمين كان قلبها بيدق جامد وبتحاول تتجنب انها تبص في عنيه 
لارين باستغراب / هو انتو واقفين كدة ليه ؟

محمد بابتسامة / مفيش،،اصل ياسمين دماغها ناشفة ومكنتش راضية تخرج من المطبخ بس انا خرجتها بطريقتي بقي 
لارين بابتسامة/ اممم،بس البت وشها محمر اوي هو انت عملت ايه عشان تخرجها اوعي تكون ضر*بتها 
ابتسمت ياسمين بخجل ومحمد تاه في ابتسامتها ولارين كانت متابعاهم بحب وسابتهم ودخلت المطبخ عشان يبقو لوحديهم 
محمد بابتسامة / مش عايزك تخافي طول ما انا جمبك،، ياسمين انا اسف بجد اني كنت السبب في كل اللي حصلك واوعدك اني مش هسمح لاي حد انه يجر*حك ولو بكلمة 
ياسمين كانت من جواها فرحانة بكلام محمد بس عقلها نبهها انه خلاص خطب يعني مش ليها وانها ممكن تكون السبب في المشاكل اللي ممكن تحصل بينه وبين خطيبته وامه 
ياسمين بجدية / وانا مطلبتش مساعدتك وقولتلك لو سمحت ابعد عني وانا مستغنية عن مساعدتك دي،، ولو احساسك بالذنب والكلام اللي قولته ليك هو السبب فانا خلاص سامحتك ونسيت كل اللي حصل فلو سمحت ابعد عني ومتدخلش في حياتي 
غمض محمد عنيه بغضب بعد ما ياسمين سابته ودخلت اوضة لارين وهو قبض علي ايديه واتنهد بضيق وبعدين خبط علي دينا ودخلها لانه كان لازم يتكلم معاها 
..............................
كانت بتعيط ياسمين بسبب الكلام اللي قالته لمحمد واللي كان من ورا قلبها لانها فعلا لسة محتجاله،،محتاجة اهتمامه بيها ووجوده جمبها بس كل ده مش مهم والاهم حياته اللي هتد*مر بسببها لو فضلت فيها،، انتبهت لصوت لارين اللي اتخضت لما شافتها بتعيط 
لارين بخضة /ايه ده مالك،،انتي بتعيطي ليه ؟
ياسمين وهي بتحضن لارين / تعبت يا ياسمين مش عارفة اعمل ايه،، انا عارفة اني جر*حته بكلامي بس غصب عني هو ميستاهلش ان حياته تد*مر بسببي 
لارين وهي بطبطب علي ياسمين / احكيلي بس براحة انا مش فاهمة حاجة خالص 
ياسمين بحزن / قولتله اني مش محتجاه قولتله يبعد عني واني مستغنية عنه،،كل ده من ورا قلبي،، قلبي كان بيتق*طع وانا ببعده بس كان لازم اعمل كدة،، مرات عمي مكنتش هتسكت وهي شايفاه بيدافع عني وخطيبته مالهاش ذنب في كل ده،،انا مخنوقة اوي يا ياسمين مش عارفة ليه حياتي عامله كدة،،ليه مش برتاح،، لييييه 
لارين بهدوء / اهدي يا حبيبتي اهدي،، محمد غصب عنه مش قادر يشوف بيحصل معاكي كدة ويسكت وبعدين مش يمكن ربنا بعته ليكي من تاني عشان يرحمك من اللي عايشة فيه وصدقيني ماما مش هتقدر تقف قصاده لانها بتحبه فمش هتقدر تزعله وانتي غلطانة يا ياسمين،، المفروض تتمسكي بحبك 
ياسمين بدموع اكتر / حبي خلاص اختار غيري يا لارين،، حب حياتي مبقاش شايفني غير الطفلة اليتيمة اللي كان بيدافع عنها وبس،، هبقي بضحك علي نفسي لو اتمسكت بوهم بس في دماغي 
بصتلها لارين بشفقة وصعبت عليها اوي وبقت تدعي ربنا انه يريح بالها وترتاح 
............................
تاني يوم كانو كلهم متجمعين ما عدا دينا اللي الكل استغرب غيابها حتي ياسمين وخافت احسن تكون هي السبب في خلاف بينهم او اي حاجة وكانت بتبص للارين بتوتر وقلق 
عزت باستغراب /هي فين خطيبتك يابني،،انامش شايفها يعني ؟
محمد بجدية/ دينا مشيت يا بابا وخلاص مش هتشوفوها تاني 
اتقبض قلب ياسمين ولقت منال بتبصلها بحد*ة وبتأكدلها احساسها وانها اكيد السبب 
منال بضيق / ليه اتخانقتو يا محمد ؟،، ومقولتش ليه يمكن كنا نقدر نصالحكم علي بعض ونراضيها ماهي اكيد هيبقي ليها حق وهي شايفة خطيبها مهتم بغيرها وسايبها 
محمد فهم قصد امه واتنهد بضيق 
محمد بحسم/ لا يا ماما،،مفيش اي حاجة من دي،، دينا اصلا كانت خطيبتي كدة وكدة،، يعني تقدري تقولي انه كان اتفاق مش اكتر،، هي كانت عايزة تنزل مصر وتهرب من البلد اللي هي فيها وانا كنت الوسيلة دي وانا وهي كنا متفقين علي كدة 
لانت ملامح ياسمين وبصت للارين اللي بادلتها الابتسامة وكأنها بتقولها ان لسة في امل 
منال بحد*ة / يعني ايه الكلام ده،،انت كنت بتكدب علينا يعني ولا ايه 
محمد بجدية / العفو يا ماما بس دي كانت رغبتها اني مقولش حاجة  لحد ما تشوف هتعمل ايه وانا احترمتها ومقولتش لحد،، وعموما ملحوقة انا كدة كدة عروستي محجوزالي من زمان وكنت مستني موضوع دينا يعدي عشان اعرف اتكلم في موضوعنا 
قال كدة محمد وهو باصص لياسمين اللي حست ان قلبها هيقف من الفرحة وشبح ابتسامة ظهرت علي وشها،،وكانت متابعاهم منال بغضب
منال بحد*ة / عروسة مين دي ان شاء الله اللي بتتكلم عليها ؟
محمد بثقة وهو بيقرب من ياسمين / ياسمين طبعا،، ده انا اتغربت عشانها،،عشان اعرف ارجع واخدها ونعيش في مكان لوحدينا،،عشت سنين وانا بحلم باليوم ده 
ابتسم عزت ولارين اللي كانت في قمة سعادتها ما عدا منال اللي قامت بغضب 
منال بغضب / مستحيل،، علي جثتي يا محمد انك تاخد البت دي،، هو من قلة البنات،، ملقتش الا الجا*هلة دي وتاخدها،، انت تاخد واحدة من مستواك عالاقل تعرف تفهمك 
بصتلها ياسمين بحزن وبصت في الارض بس رفعت وشها تاني بعد ما سمعت رد محمد عليها وكأنه بيردلها كرامتها 
محمد بابتسامة/ ولا اي حاجة من دي تفرق معايا،، انا عايزها هي وبس،، وياسمين الوحيدة اللي قلبي اختارها ومفيش بنت غيرها هتكون علي اسمي 
لارين بثقة وهي بتبص لامها/ ومين قالك يا ماما ان ياسمين جاهلة،، ياسمين كملت دراستها واللي متعرفيهوش انها الاولي علي دفعتها وبقت مهندسة قد الدنيا 
اتصدمت منال وبصت لياسمين بح*قد ومقدرتش تنطق بحرف لانها واثقة ان طالما ابنها قرر فمفيش مفر وياسمين كانت متابعة صدمتها هي وعزت بس محمد كان غير،، محمد كانت شايفة في عيونه فخر بيها وكأنه كان متأكد انها هتعمل كدة ومش هتستسلم،، مسك ايديها واتكلم وهو باصص في عنيها بحب 
محمد بحب / موافقة يا ياسمين تبقي مراتي وحبيبتي 
ياسمين بخجل وهي بتبصله /
انا كنت عارفة انك هترجعلي،، حاجة جوايا كانت دايما بتقولي انك منستنيش ولما رجعت ومعاك البنت حسيت وقتها ان كل حاجة اتهدت واني ضعيفة اوي يا محمد ودلوقتي بتسألني موافقة ولا لا فده سؤال اكيد انت عارف اجابته 
محمد / عرفت يا ياسمين واوعدك اني اعوضك عن كل اللي عشتيه بسببي 
تمت