رواية عشقته رغم البعد كاملة جميع الفصول بقلم اسراء ابراهيم

البارت الاول 1

قومي اعملي لعمك كوباية شاي يلا امشي انجري 
قالتها منال بحد*ة لياسمين بنت سلفتها اللي مبتكر*هش في حياتها قدها حتي بعد ما ماتت وتقريبا وافقت علي انها تربي ياسمين عشان تطلع حقد*ها عليها،،كانت متابعة ياسمين وهي بتقوم من الارض،، مكانها اللي بقت مجبورة عليه وابتسمت منال بشماتة وهي شايفه نظرات الحزن والقهرة علي وشها وانتبهت لعزت جوزها اللي اتكلم بتردد وهو باصص ليها بعتاب:
حرام عليكي يا منال،، بطلي تعاملي البنت بالقسو*ة دي،،دي مهما كان بنت اخويا الله يرحمه وانا غلوبت احنن قلبك عليها ومفيش فايدة 

بصتله منال بغضب وردت بثقة وهي بتحط رجل علي رجل:
والله هي دي معاملتي وبعدين انت عارف اني مبطقش امها ومع ذلك وافقتك انك تجيبهالي اربيها مع محمد ولارين فمتحلمش اني اعاملها اكتر من خدامة ليا ولعيالي 
حرك عزت راسه بيأس وقلة حيلة ومردش عليها فابتسمت منال بانتصار زي عادتها لانها متأكدة انه مش هيعمل حاجة بسبب شخصيته الضعيفة من يوم ما اتجوزته،، خرجت ياسمين بكوباية الشاي وادتها لعمها ورجعت قعدت مكانها عالارض تحت رجليهم وسرحت في الفيلم اللي بيتفرجو عليه واتمنت لو تكون زي البطلة وانها تقابل حبيبها وياخدها من هنا وتعيش معاه في تبات ونبات،، شوية ودخلت لارين من باب الشقة وهي بتبتسم بسعادة وبتبص للكل:
اوعو تقولو اني اتأخرت عليكم 
ابتسم عزت ومنال وسلمو عليها ما عدا ياسمين اللي كانت بتبص للارين بقلق وتوتر ولارين غمزتلها بعنيها وسبقتها علي اوضتها بعد ما قاالت ليهم انها هترتاح شوية وبعدها قامت ياسمين وانسحبت بهدوء ودخلت اوضة لارين اللي اول  ما شافتها قالتها بفرحة:
مبروووك يا ياسمين انتي طلعتي الاولي علي دفعتك يا حضرة الباش مهندسة 
حطت ياسمين ايديها علي وشها بصد@مة ودموعها نزلت وهي بتبتسم بفرحة:
انا نجحت،،اخيرا اتخرجت،،مش مصدقة اني حققت حلمي،،مش مصدقة اني بقيت مهندسة يا لارين 
لارين مسحت دموع الفرحة وردت بحب وهي بطبطب علي ياسمين:
لا صدقي،،انتي تعبتي وهو ده نتيجة تعبك،، انتي كنتي بتشتغلي طول الليل عشان تعرفي تجيبي تمن الكتب والمراجع،، كنتي بالنهار بتتعبي في البيت بسبب ماما وبليل تسعي عشان حلمك وهي دي النتيجة اللي تستاهليها،،مبروك يا حبيبتي 
حضن*ت ياسمين لارين بحب وهي بتقولها بفرحة:
كل ده مكنتش هوصله من غيرك يا لارين،،انتي اختي اللي اتمنتها وصاحبة عمري،، ولولا انتي كنتي بتشتريلي الملازم والمراجع وبتتصرفي عشان تخرجيني واعرف اروح الجامعة مكنتش ابدا هوصل لكل اللي وصلتله ده،، ربنا يخليكي ليا  
لارين ابتسمت وردت بضحك وهي بتمسك ايد ياسمين:
سيبك بقي من كل ده،،قوليلي ناوية تعملي ايه بعد ما خلاص خلصتي وهتقولي لماما وبابا ولا لاء 
ردت ياسمين بلهفة وهي بتببص لارين بخوف:
لا يا لارين اوعي تجيبي سيرة،،انتي عارفة مرات عمي صعبة ازاي ومش هتعدي حاجة زي دي بالساهل كدة،، سيبيها بظروفها واكيد مسيرهم هيعرفو،، انا بس كل اللي شاغلني دلوقتي حاجة واحدة بس وهي رأيك في زين ابن خالك اللي متقدملك،، انا شايفة انه مناسب وانتي باين عليكي ميالة ليه،،ليه بقي متوافقيش 
اتبدلت ملامح لارين للحزن وراحت قعدت علي سريرها وهي بتقول بحزن:
انتي مش عارفة قد ايه انا مرعوبة يا ياسمين،، خايفة اوي احسن مرات خالي تطلع نسخة من امي وتعاملني زي ما ماما بتعاملك،،صدقيني مش هستحمل،، امي قا*سية اوي وانا خايفة احسن ربنا يخلص اللي بتعمله فيكي فيا وخصوصا اني مش بقدر اقف قدامها لانك عارفة بتبقي عاملة ازاي 
حض*نت ياسمين وش لارين بايديها وهي بتبتسم بحب وردت بحنية:
حبيبتي متفكريش كدة،،ربنا عالم انك مش زي امك ابدا وكفايا معاملتك ليا وكفايا اللي عملتيه عشاني طول السنين دي 
اتنهدت لارين براحة وقبل ما ترد سمعو هما الاتنين صوت منال وهي بتزغرط فاتخضو وطلعو ورا بعض يشوفو في ايه واول ما خرجو اتكلمت لارين باستغراب:
في ايه يا ماما بتزغرطي ليه الجيران هيسمعو 
ردت منال بفرحة وهي بتبص للارين وبتشاور بايديها ليها:
وماله ما يسمعو،،ده احلي خبر سمعتو في حياتي،،اخيرا اخوكي محمد راجع من السفر والغربة وهيعيش معانا علطول،،لسة مكلمني وقايلي الخبر الحلو ده 
ابتسمت لارين بفرحة لان اخوها الوحيد اخيرا هيرجع تاني وكمان ياسمين شبح ابتسامة ظهرت علي وشها وهي بتبص للارين وقلبها اللي كان بيدق زي الطبلة كأنه بيحتفل برجوع روحه ليه،، ذكري عدت عليها وهي طفلة عندها 12 سنة ومحمد كان عنده 22 سنة لما كان بيهتم بيها جدا وبيحب دايما يساعدها وكان هو اللي بيقف لامه لما كانت بتيجي عليها وامه كانت دايما بتضايق وتتعصب لما يدافع عنها وكأنها كانت خايفة يكون بيحبها،، بس وقتها محمد مكنش شايف ياسمين اكتر من طفلة يتيمة بس معاملته كانت بتسعدها اوي ومن هنا بدأت تحبه وتتعلق بيه اوي وللاسف كانت ملاحظة ده منال وعشان كدة قررت تبعده عنها وجابتله سفرية تبع حد قريبها وسافر محمد وساب ياسمين فريسة لامه تعمل فيها كل اللي عايزاه بحرية وحتي مفكرش فيها ويمكن هي دي النقطة السودا الوحيدة في قلب ياسمين من ناحية محمد،،كانت دايما بتمسك صورته اللي مخبياها في دولابها وتكلمه وتعاتبه عشان سابها ومبصش وراه ولا فكر فيها،، انتبهت ياسمين لمنال اللي قالت بشماتة وهي بتبصلها بعد ما لمحت فرحتها اللي باينة عليها وكأنها قاصدة تكسر*ها:
لا والخبر الاحلي كمان انه خطب بنت من بلاد برة وجايبها معاه
صد@مة شلت كيان ياسمين وكأنها مش مستوعبة اللي قالته منال وسابتهم وانسحبت بهدوء وكانت متابعاها لارين بحزن لانها كانت عارفة انها بتكن مشاعر لمحمد اخوها فبصت لامها بعتاب وقلة حيلة ودخلت ورا ياسمين 
.......................
دخلت لارين اوضة ياسمين واول ما شافتها ياسمين مسحت دموعها بحزن 
لارين بحزن / ياسمين مش عايزاكي تزعلي،،صدقيني محمد مش و*حش 
ياسمين بتوتر / وهزعل من ايه يا لارين،، محمد انا عارفة انه مش و*حش انا بس افتكرت زمان ايام ما كان هنا 
لارين بابتسامة /عليا برضه يا ياسمين واحنا من امتي بنخبي علي بعض حاجة 
ياسمين بتنهيدة / مبقاش ينفع يا لارين،،خلاص محمد دلوقتي بقي ابن عمي وبس،، يمكن كان عندي امل انه يكون لسة فاكرني وكنت بتمني انه يرجع تاني عشاني بعد ما يكون نفسه بس الظاهر اني كنت عايشة في وهم مش اكتر 
لارين وهي بتحض*ن ياسمين / مين عالم يا حبيبتي،، محدش عارف النصيب فين   
ق*طعت كلامهم دخول منال فياسمين بعدت لارين عنها بسرعة عشان تحميها من غضب امها لو شافتهم سوا 
منال بحد*ة / الاوضة تفضيها عشان خطيبة محمد وانقلي حاجتك في المطبخ اهي قوضة برضه وليها باب 
لارين بصد@مة / ايه اللي بتقوليه ده يا ماما،، يعني ليه ياسمين هتنام في المطبخ،، حرام عليكي كدة 
منال بغضب / حرمة عليكي عيشتك،،انتي تخرسي خالص وملكيش دعوة والا انتي عارفه انا ممكن اعمل ايه 
ياسمين غمزت لارين بايديها وقربت من منال بسرعة 
ياسمين/ خلاص يا مرات عمي،،انا هنقل حاجتي زي ما طلبتي،،مش فارقة اصلا،، اديني بس انهاردة وانا هنقل حاجتي
منال بصتلها بقر*ف وسابتها ومشيت وهنا لارين دموعها نزلت وهي بتبص لياسمين بشفقة من تصرفات امها الو*حشة وياسمين ابتسمتلها بحزن وهي بتحاول تبين عكس الكسر*ة اللي جواها 
............................

بعد يومين كانت واقفة ياسمين في المطبخ وكانت بتقفل النا*ر عالاكل بعد ما خلصت اخيرا اخر حاجة وكانت مش قادره تقف من كتر التعب وشوية ودخلت عليها لارين اللي كان صعبان عليها ياسمين اوي بسبب ان امها كانت منبهة عليها ومهد*داها ان لو ساعدتها في الشقة او الاكل هتحرمها من جامعتها وهي عارفة انها تقدر تعمل كدة 
لارين بندم /اسفة يا ياسمين،،حقك عليا،،انا بجد مش قادرة اسامح نفسي
ياسمين بابتسامة كلها تعب /  علي ايه يا عب*يطة انتي بس،، وبعدين انا اللي قولتلك مش عايزاكي تعملي حاجة وانتبهي بس لجامعتك،،اصلا انا متعودة علي كدة وانتي عارفة 
لارين بحزن / انا بحبك اوي يا ياسمين،،انتي اختي مش بس بنت عمي 
ياسمين بحب / وانتي عارفة انتي بالنسبالي ايه يا لارين ممكن بقي تساعديني وتخليكي واقفة عالباب علي ما ااغير هدومي 
لارين بسرعة / لا انتي ادخلي غيري في اوضتي وماما لو جت هقولها انك في الحمام يلا بسرعة 
ياسمين بامتنان/ تسلمي يارب ياقلبي،،خلاص مش هتأخر احسن هدومي متبهدلة خالص 
لارين بحب / خدي وقتك يا روحي متقلقيش هغطيكي 
سابتها ياسمين ومشيت ولارين متابعها بشفقة واتمنت من قلبها ان يجي اليوم اللي ترتاح من كل ده 
................   
كانت باصة لنفسها في المراية ولفستانها الابيض اللي فيه وردود خضرا بلون عنيها والشريطة اللي علي شعرها من نفس اللون،، ابتسمت ببهتان،، يمكن لان لاول مرة تحس انها تعيسة،،رغم كل اللي كانت بتعمله معاها مرات عمها بس كانت عايشة علي امل انه هيجي يوم ومحمد يرجع وترتاح بس للاسف كل احلامها بقت في الارض،، انتبهت لاصوات كتير برة وزغاريط منال مرات عمها فعرفت انه جه،، اتنهدت بحيرة وخرجت،، كانت واقفة بعيد وشايفاه قدام عنيها بهيئته اللي خط*فت قلبها،،قلبها الملعو*ن اللي لسة بيحبه رغم كل اللي حصل،،  يمكن دقنه الخفيفة اللي استغربتها بس حسيتها اديته جاذبية اكتر،، كانت شايفاه بيسلم عليهم كلهم بحرارة لحد ما عيونهم اتقابلت وهو حا*ضن ابوه،، كانت بصاله بتوتر وبتنقل عنيها بينه وبين البنت اللي معاه لحد ما جه ووقف قدامها وشاور عليها 
محمد بابتسامة جذابة / ازيك يا  ياسمين 
ياسمين بابتسامة/ حمدالله علي سلامتك يا محمد 
كان محمد باصص ليها باستغراب كأنه بيشوفها لاول مرة وكأنه كان متوقع انه يشوف الطفلة اللي سابها وهي صغيرة،، كانت متابعة نظراتهم منال بغضب فاتدخلت بسرعة 
منال بحد*ة / يلا عالمطبخ حضري السفرة 
ياسمين بتنهيدة /حاضر 
سابتهم ياسمين ودخلت وكان مستغرب محمد معاملة امه بس اتغاضي عن الموضوع واتلهي بدينا اللي بدأ يعرفها عليهم وكانو كلهم بيتكلمو سوا لحد ما جت ياسمين بعد شوية 
ياسمين بجدية / الاكل جاهز،، اتفضلو 
كان باصص محمد ليها ومبتسم 
محمد بابتسامة / تسلم ايديكي يا ياسمين 
ياسمين بتوتر وهي بتبص لمنال / بالف هنا،، بعد اذنكم 
محمد بسرعة / ياسمين استني،،انتي مش هتاكلي معانا ولا ايه ؟
بصت ياسمين لمنال بتوتر فردت هي بالنيابة عنها 
منال بسرعة / لا هي مش جعانة يا حبيبي،،هتبقي تاكل بعدين 
استغرب محمد وبص لياسمين اللي بصتله بحزن وسابته ودخلت 
لارين بضيق / بعد اذنكم،،انا مش جعانة هبقي اكل بعدين مع ياسمين 
استغرب محمد اللي حصل ودينا اللي كانت متابعة كل حاجة بنظرات فضولية بس من غير ما تعلق بكلمة
.......................
بليل كان محمد عطشان اوي فخرج من اوضته ودخل المطبخ عشان يشرب بس وقف مكانه بصد@مة اول ما شاف ياسمين نايمة عالارض......يتبع