رواية حكاية هنا كاملة جميع الفصول بقلم ايمان السيد

هنا وهي بتعيط وطالعه تجري على السلم وبتخبط على الباب وبترن جرس الباب بيتفتح وبيظهر من وراه شاب..
احمد: هنا مالك في ايه؟
هنا بعياط: احمد الحقني..
احمد: ادخلي في ايه مالك وايه إللي مخليكي بالشكل ده؟!!
هنا: بابا مش هيسبني هيموتني يا احمد 
احمد: ليه طيب حصل إيه لكل ده؟
هنا: عشان عرف اني بخرج الصبح ومبروحش المدرسة بقالي يومين..
احمد: انتي إزاي تعملي كده وأصلا ابوكي عرف منين وبتروحي فين اصلا الوقت ده كله ؟
هنا: عند واحدة صاحبتي أنا وهي مبنروحش بقالنا يومين وصاحبتنا التالتة عرفت انهم رنوا على بابا وقالولوا م انت عارف إن بابا قايلهم لو مروحتش أو حصل مني اي حاجه يرنوا عليه يعرفوه انت عارف أنه بيتلكك ليا على أي غلطة عشان يضربني وخلاص..

هنا بدموع: م انت متعرفش انا مش بروح ليه..
احمد: عرفيني يا هنا اشرحيلي ايه إللي يخلي بنت محترمة تزوغ من المدرسة!!
هنا وهي متوترة وعينها بتروح في كل مكان في الشقة: أنا خايفة أقولك..
احمد باستغراب: خايفة ليه ومن ايه وبياخد نفس أهدي يا هنا وعرفيني عشان اعرف ادافع عنك قصاد ابوكي
هنا برعب وهي بتعيط: عشان المستر اللي بييجي علينا اليومين دول اتحر*ش بيا الاسبوع إللي فات في اخر يوم من اليومين اللي كان علينا فيهم..
احمد بصد@مة: نعاااام ايه اتحر*ش بيكي ؟؟؟؟!!!!!!